Die ontwikkeling van weerstand by insekpeste is ’n realiteit, maar kan met behoorlike beplanning en bestuur verminder word. Die beste manier om die voordele en insekbeskerming wat Bt-tegnologie bied te behou, is om ’n geïntegreerde weerstandsbestuurprogram te ontwikkel en te implementeer. 

By Bayer verstaan ons die groot aantal besluite wat jy as boer daagliks moet maak – keuses oor die tipe mieliebasters wat aangeplant moet word, tot besluite oor die korrekte gewasbeskermingsprodukte om optimale beskerming te verseker. Bayer se omvattende aanbod sluit topklas DEKALB®-basters, ’n wye verskeidenheid gewasbeskermingsprodukte en digitale oplossings in om hierdie besluite te vergemaklik.

Die verskillende plantdele van ’n koringplant speel ’n ongelooflike belangrike rol in die opbrengs wat die plant aan die einde van die seisoen lewer. Daarom is dit belangrik dat die plantdele van die koringplant reeds van vroeg af beskerm moet word teen ’n verskeidenheid swamsiektes wat dit kan bedreig. Die identifisering van verskillende swamsiektes, die omstandighede waarbinne hul floreer en die beheerstrategieë wat in plek gestel moet word, is kardinaal tot die beskerming van jou koring, die opbrengs aan die einde van die seisoen sowel as die winsgewendheid van jou koringboerdery. ’n Paar van die swamsiektes wat ’n bedreiging vir jou koring kan wees, sluit blaarroes, poeieragtige meeldou, stamroes, streeproes, bruinaar en vaalblaar in.